Posted on: 10 May 2011
തിരുവനന്തപുരം: എന്‍ഡോസള്‍ഫാന്‍ ഉത്പാദിപ്പിക്കുന്ന പൊതുമേഖലാ സ്ഥാപനം കളമശ്ശേരി ഏലൂരിലെ എച്ച.ഐ.എല്‍(Hindustan Insecticides Limited) അടച്ചുപൂട്ടാന്‍ മലിനീകരണ നിയന്ത്രണ ബോര്‍ഡ് ഉത്തരവിട്ടു. മലിനീകരണ നിയന്ത്രണ ചട്ടങ്ങള്‍ ലംഘിച്ചെന്ന് കാണിച്ചാണ് നടപടി. 2009 മുതലുള്ള മാലിന്യം ഒഴിവാക്കാനുള്ള നിര്‍ദേശങ്ങള്‍ പാലിക്കാത്തത് കമ്പനി അടച്ചുപൂട്ടാന്‍ കാരണമായി ഉത്തരവില്‍ പറയുന്നുണ്ട്.
എച്ച്.ഐ.എല്‍ രാസമാലിന്യ നിര്‍മാര്‍ജനത്തില്‍ വീഴ്ച വരുത്തിയെന്ന് ബോര്‍ഡ് ചെയര്‍മാന്‍ കെ.സജീവന്‍ പറഞ്ഞു. അടച്ചുപൂട്ടാന്‍ ഉത്തരവിട്ടത് നിരന്തരം നിയമലംഘനം നടത്തിയതിനാലാണെന്നും അദ്ദേഹം പറഞ്ഞു.
കേരളത്തില്‍ എന്‍ഡോസള്‍ഫാന്‍ ഉത്പാദിപ്പിക്കുന്ന ഏക സ്ഥാപനമാണ് എച്ച.ഐ.എല്‍. എന്‍ഡോസള്‍ഫാന്‍ നിരോധിക്കണമെന്ന് ആവശ്യപ്പെട്ട് ശക്തമായ പ്രതിഷേധം ഉയര്‍ന്നപ്പോള്‍ സമരക്കാര്‍ ആവശ്യപ്പെട്ടിരുന്ന ഏറ്റവും പ്രധാനപ്പെട്ട ആവശ്യങ്ങളിലൊന്ന് ഐച്ച.ഐ.എല്‍ അടച്ചുപൂട്ടണമെന്നതായിരുന്നു.
കമ്പനി അടച്ചുപൂട്ടലുമായി ബന്ധപ്പെട്ട മറ്റ് നിയമവശങ്ങള്‍ സര്‍ക്കാര്‍ പരിശോധിച്ചുവരികയാണെന്നാണ് സൂചന
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ