വിക്കിപീഡിയ, ഒരു സ്വതന്ത്ര വിജ്ഞാനകോശം.
.png)
1999 ജൂലൈയിൽ ദേ. പാതയായി പ്രഖ്യാപിച്ച ഇത് ഏകദേശം 250 കി. മീ. ദൂരമുള്ളതാണ്. കോഴിക്കോട് ദേശീയപാത 17-ഉം ദേശീയപാത 209-ഉം ദേശീയപാത 212ൽ യോജിക്കുന്നു. കേരളത്തിൽ 90 കി. മീ. ദൂരവും കർണാടകത്തിൽ 160 കി. മീ. ദൂരവും ഈ പാത താണ്ടുന്നു. കേരളത്തിൽ നിന്നും മറ്റു സംസ്ഥാനങ്ങളിലേക്കുള്ള ഒരു കവാടമായും ഇതു പ്രവർത്തിക്കുന്നു.
ദേശീയപാത 212 രണ്ടുവരിയാക്കും
Thursday, September 9, 2010
കോഴിക്കോട്: ദേശീയപാത 212 ലെ കോഴിക്കോട് നിന്നും മുത്തങ്ങയിലെ കേരളാ അതിര്‍ത്തിവരെയുള്ള 112 കി.മീറ്റര്‍ ദൂരം രണ്ടുവരിപ്പാതയായി വികസിപ്പിക്കാനുള്ള പദ്ധതിക്ക് രൂപരേഖയായി. പദ്ധതി സംബന്ധിച്ച് ബംഗളൂരുവിലെ വില്‍ബര്‍സ്മിത്ത് അസോസിയേറ്റ്‌സ് പ്രൈവറ്റ് ലിമിറ്റഡ് തയാറാക്കി കേന്ദ്ര ഉപരിതല ഗതാഗത മന്ത്രാലയം അംഗീകരിച്ച രൂപരേഖ ജനപ്രതിനിധികള്‍ക്കും ബന്ധപ്പെട്ട ഉദ്യോഗസ്ഥര്‍ക്കും മുമ്പാകെ കണ്‍സല്‍ട്ടന്റ് പ്രതിനിധികള്‍ വിശദീകരിച്ചു.
മലാപ്പറമ്പ് ബൈപാസ് ജങ്ഷന്‍ മുതല്‍ സംസ്ഥാനാതിര്‍ത്തിവരെയുള്ള 112 കി.മീ റോഡാണ് രണ്ടുവരിയാക്കുന്നത്. ഇതില്‍ 76 കിലോമീറ്റര്‍ നിലവിലുള്ള റോഡ് അഭിവൃദ്ധിപ്പെടുത്തലാണ്. 22 കിലോമീറ്റര്‍ റീ അലൈന്‍മെന്റ് നടത്തും. 15 മീറ്റര്‍ മുതല്‍ 20 മീറ്റര്‍ വരെയാണ് വീതി . താമരശ്ശേരി , കല്‍പ്പറ്റ, സുല്‍ത്താന്‍ ബത്തേരി ടൗണുകളില്‍ ബൈപാസ് നിര്‍മിക്കും. ഇവ 30 മീറ്റര്‍ വീതിയിലായിരിക്കും നിര്‍മിക്കുക. 12.5 കിലോമീറ്ററായിരിക്കും ഇവയുടെ മൊത്തം നീളം. നിലവില്‍ 15 മീറ്ററില്‍ കൂടുതല്‍ വീതിയുള്ള പ്രദേശങ്ങളില്‍ റോഡ് നാലുവരിയാക്കി 20 മീറ്റര്‍ വീതിയിലാക്കും. ബി. ഒ. ടി. അടിസ്ഥാനത്തില്‍ 292 കോടി രൂപ ചെലവിലാണ് നിര്‍മിക്കുക. സ്ഥലം ഏറ്റെടുക്കുന്നതിന് 275.74 കോടി രൂപ കൂടി ചെലവുവരും. പദ്ധതിയുടെ 40 ശതമാനം കേന്ദ്ര സര്‍ക്കാര്‍ ഗ്രാന്റായി നല്‍കും.60 ശതമാനം കരാര്‍ എറ്റെടുക്കുന്ന കമ്പനി വഹിക്കേണ്ടി വരും. താമരശ്ശേരിക്ക് മുമ്പും മീനങ്ങാടിക്ക് മുമ്പുമായി രണ്ട് ടോള്‍ ബൂത്തുകള്‍ സ്ഥാപിക്കും. അടുത്തവര്‍ഷം ആരംഭിച്ച് രണ്ട് വര്ഷം കൊണ്ട് പൂര്‍ത്തിയാകും. അതിനുശേഷം 15.5 വര്ഷം ചുങ്കം പിരിക്കാനനുവദിക്കും.
രണ്ട് പാലങ്ങള്‍ വീതികൂട്ടുകയും അറുപതോളം കല്‍വര്‍ട്ടുകള്‍ നിര്‍മിക്കുകയും ചെയ്യും. 547 കെട്ടിടങ്ങള്‍ പൊളിക്കേണ്ടി വരും. രണ്ടാം വളവിലെ മുസ്‌ലിം പള്ളിയുടെ മുന്‍ഭാഗത്തെ മതിലൊഴികെ മറ്റാരാധനാലയങ്ങളൊന്നും പൊളിക്കേണ്ടിവരില്ല. 3,246 കെട്ടിടങ്ങളായിരുന്നു ആദ്യം തയാറാക്കിയ സര്‍വേയില്‍ ഉണ്ടായിരുന്നത്.
കേന്ദ്ര നിര്‍ദേശമനുസരിച്ച് രണ്ടുതവണ മാറ്റിയാണ് 547ല് എത്തിയതെന്ന് പൊതുമരാമത്ത് ദേശീയപാത വിഭാഗം എക്‌സിക്യൂട്ടീവ് എന്‍ജിനീയര്‍ കെ. ഗോപാലകൃഷ്ണന്‍ വിശദീകരിച്ചു. പദ്ധതിക്ക് എട്ടു കമ്പനികള്‍ ടെന്‍ഡര്‍ സമര്‍പ്പിച്ചിട്ടുണ്ട്. ഭൂമി ഏറ്റെടുക്കേണ്ടതിന് ഇനി അതോറിറ്റിയെ നിയമിക്കേണ്ടതുണ്ട്. 1956ലെ നാഷനല്‍ ഹൈവേ ആക്റ്റ്, 2007ലെ നാഷനല്‍ ഹൈവേ പോളിസി, നാഷണല്‍ ഹൈവേ അതോറിറ്റിയുടെ 2002ലെ പോളിസി, അടുത്ത കാലത്ത് രൂപം നല്‍കിയ സംസ്ഥാന സര്‍ക്കാറിന്റെ റവന്യൂ റിക്കവറി പാക്കേജ് എന്നിവയുടെ അടിസ്ഥാനത്തിലായിരിക്കും ഭൂമി ഏറ്റെടുക്കുക. കോഴിക്കോട്, വൈത്തിരി, സുല്‍ത്താന്‍ബത്തേരി താലൂക്കുകളിലായി 21 വില്ലേജുകളില്‍പ്പെട്ട ഭൂമിയാണ് ഏറ്റെടുക്കേണ്ടിവരുന്നത് . വിശദമായ പരിസ്ഥിതി പഠനം നടത്തി കേന്ദ്ര പരിസ്ഥിതി മന്ത്രാലയത്തിന്റെ ക്ലിയറന്‍സും വാങ്ങിയ ശേഷമേ പദ്ധതി ആരംഭിക്കൂ.
എം. കെ. രാഘവന്‍ എം. പി, എം. എല്. എമാരായ പി. ടി. എ റഹീം, ജോര്‍ജ് എം. തോമസ് , എ. കെ. ശശീന്ദ്രന്‍, എ. പ്രദീപ്കുമാര്‍ എന്നിവരും ജില്ലാ കലക്ടര്‍, ഡോ.പി. ബി. സലിം , ലാന്‍ഡ് അക്വിസിഷന്‍ ഡെപ്യൂട്ടി കലക്ടര്‍ എ. കെ. ബാലകൃഷ്ണന്‍, പൊതുമരാമത്ത് നാഷനല്‍ ഹൈവേ എന്നിവയിലെ ബന്ധപ്പെട്ട ഉദ്യോഗസ്ഥര്‍ എന്നിവര്‍ ചര്‍ച്ചയില്‍ പങ്കെടുത്തു. റോഡിന്റെ പഞ്ചായത്തു തലത്തിലുള്ള സ്‌കെച്ച് അതത് പഞ്ചായത്താപ്പീസുകളില്‍ ലഭ്യമാക്കുമെന്ന് കലക്ടര്‍ ഡോ. പി.ബി. സലിം അറിയിച്ചു. കലക്ടറേറ്റിലെ ലാന്‍ഡ് അക്വ്വസിഷന്‍ ഡെപ്യൂട്ടി കലക്ടറുടെ ഓഫിസില്‍ മുഴുവന്‍ സ്‌കെച്ചും പരിശോധനക്ക് ലഭ്യമാക്കും.
-മാധ്യമം
ദേശീയപാത 212: കോഴിക്കോട് മുതല്‍ മുത്തങ്ങവരെ അഭിവൃദ്ധിപ്പെടുത്താന്‍ പദ്ധതിയായി
Posted on: 29 Aug 2010
കൊടുവള്ളി: കേന്ദ്രസര്‍ക്കാറിന് കീഴിലുള്ള ഉപരിതല ഗതാഗത മന്ത്രാലയം നാഷണല്‍ ഹൈവേ ഡെവലപ്പ്‌മെന്റ് പ്രോഗ്രാമില്‍ (എന്‍.എച്ച്.ഡി.പി.) ഉള്‍പ്പെടുത്തി ദേശീയപാത 212 കോഴിക്കോട് മുതല്‍ മുത്തങ്ങവരെ രണ്ടു വരിയായി അഭിവൃദ്ധിപ്പെടുത്താനുള്ള പദ്ധതി തയ്യാറായി.
റോഡിന്റെ ഇരുവശവും വാഹനങ്ങള്‍ നിര്‍ത്തിയിടാന്‍ സൗകര്യത്തോടുകൂടിയാണ് പരിഷ്‌കരണ പ്രവൃത്തി നടത്തുന്നത്. സര്‍ക്കാര്‍ നിയോഗിച്ച ബാംഗ്ലൂരിലെ വില്‍ബര്‍ സ്മിത്ത് അസോസിയേറ്റഡ്, ഇതിന്റെ റിപ്പോര്ട്ട് സമര്‍പ്പിക്കുകയും കേന്ദ്ര ഉപരിതല ഗതാഗത മന്ത്രാലയം അംഗീകരിക്കുകയും ചെയ്തിട്ടുണ്ട്. റോഡ് വികസിപ്പിക്കാന്‍ ഏകദേശം 50 ഹെക്ടര്‍ സ്ഥലം ആവശ്യമാണെന്ന് റിപ്പോര്ട്ടില് പറഞ്ഞിട്ടുണ്ട്.
റോഡ് വികസനവുമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്യുന്നതിന് സപ്തംബര്‍ ആറിനു രാവിലെ 11ന് കളക്ടറേറ്റ് കോണ്‍ഫറന്‍സ് ഹാളില്‍ യോഗം വിളിച്ചിട്ടുണ്ട്. യോഗത്തില്‍ ദേശീയപാത ഉദ്യോഗസ്ഥരും ഏജന്‍സി അധികൃതരും ജനപ്രതിനിധികളും പങ്കെടുക്കുമെന്ന് ദേശീയപാത കൊടുവള്ളി സബ്ഡിവിഷന്‍ അസി.എക്‌സിക്യൂട്ടീവ് എന്‍ജിനീയര്‍ ഹൈദ്രു പറഞ്ഞു.
നിലവില്‍ കോഴിക്കോട്-എരഞ്ഞിപ്പാലം വരെയാണ് റോഡ് വികസനം നടത്തിയിട്ടുള്ളത്. ഏറെ വാഹനത്തിരക്ക് അനുഭവപ്പെടുന്ന ദേശീയപാത 212-ല് പ്രധാന അങ്ങാടികളില്‍ കാല്‍നടയാത്രക്കാര്‍ക്ക് റോഡ് മുറിച്ചകടക്കുന്നതിനായി ഫുട്ട്ഓവര്‍ബ്രിഡ്ജ് ഉള്‍പ്പെടുത്തണമെന്ന ആവശ്യമുയര്‍ന്നിട്ടുണ്ട്. ദേശീയപാതയില്‍ ഗതാഗതക്കുരുക്ക് നിത്യസംഭവമാണ്. ദേശീയപാത വികസിപ്പിക്കുമ്പോള്‍ വിവിധ അങ്ങാടികളിലെ കെട്ടിടങ്ങള്‍ പൊളിച്ചുമാറ്റേണ്ടിവരും. ഇതിന് ബദല്‍ സംവിധാനവും ആലോചിക്കേണ്ടിവരും. ഗതാഗതസ്തംഭനം നിത്യസംഭവമായ വയനാട് ചുരവും വികസിപ്പിക്കാന്‍ പദ്ധതിയില്‍ നിര്‍ദേശമുണ്ട്.
റോഡിന്റെ ഇരുവശവും വാഹനങ്ങള്‍ നിര്‍ത്തിയിടാന്‍ സൗകര്യത്തോടുകൂടിയാണ് പരിഷ്‌കരണ പ്രവൃത്തി നടത്തുന്നത്. സര്‍ക്കാര്‍ നിയോഗിച്ച ബാംഗ്ലൂരിലെ വില്‍ബര്‍ സ്മിത്ത് അസോസിയേറ്റഡ്, ഇതിന്റെ റിപ്പോര്ട്ട് സമര്‍പ്പിക്കുകയും കേന്ദ്ര ഉപരിതല ഗതാഗത മന്ത്രാലയം അംഗീകരിക്കുകയും ചെയ്തിട്ടുണ്ട്. റോഡ് വികസിപ്പിക്കാന്‍ ഏകദേശം 50 ഹെക്ടര്‍ സ്ഥലം ആവശ്യമാണെന്ന് റിപ്പോര്ട്ടില് പറഞ്ഞിട്ടുണ്ട്.
റോഡ് വികസനവുമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്യുന്നതിന് സപ്തംബര്‍ ആറിനു രാവിലെ 11ന് കളക്ടറേറ്റ് കോണ്‍ഫറന്‍സ് ഹാളില്‍ യോഗം വിളിച്ചിട്ടുണ്ട്. യോഗത്തില്‍ ദേശീയപാത ഉദ്യോഗസ്ഥരും ഏജന്‍സി അധികൃതരും ജനപ്രതിനിധികളും പങ്കെടുക്കുമെന്ന് ദേശീയപാത കൊടുവള്ളി സബ്ഡിവിഷന്‍ അസി.എക്‌സിക്യൂട്ടീവ് എന്‍ജിനീയര്‍ ഹൈദ്രു പറഞ്ഞു.
നിലവില്‍ കോഴിക്കോട്-എരഞ്ഞിപ്പാലം വരെയാണ് റോഡ് വികസനം നടത്തിയിട്ടുള്ളത്. ഏറെ വാഹനത്തിരക്ക് അനുഭവപ്പെടുന്ന ദേശീയപാത 212-ല് പ്രധാന അങ്ങാടികളില്‍ കാല്‍നടയാത്രക്കാര്‍ക്ക് റോഡ് മുറിച്ചകടക്കുന്നതിനായി ഫുട്ട്ഓവര്‍ബ്രിഡ്ജ് ഉള്‍പ്പെടുത്തണമെന്ന ആവശ്യമുയര്‍ന്നിട്ടുണ്ട്. ദേശീയപാതയില്‍ ഗതാഗതക്കുരുക്ക് നിത്യസംഭവമാണ്. ദേശീയപാത വികസിപ്പിക്കുമ്പോള്‍ വിവിധ അങ്ങാടികളിലെ കെട്ടിടങ്ങള്‍ പൊളിച്ചുമാറ്റേണ്ടിവരും. ഇതിന് ബദല്‍ സംവിധാനവും ആലോചിക്കേണ്ടിവരും. ഗതാഗതസ്തംഭനം നിത്യസംഭവമായ വയനാട് ചുരവും വികസിപ്പിക്കാന്‍ പദ്ധതിയില്‍ നിര്‍ദേശമുണ്ട്.
-മാതൃഭൂമി
കോഴിക്കോട്-മുത്തങ്ങ ദേശീയപാത വികസനം: 290 കോടിയുടെ പദ്ധതിക്ക് അനുമതി
Posted on: 07 Sep 2010
കോഴിക്കോട്: കോഴിക്കോട് മുതല്‍ മുത്തങ്ങ വരെ ദേശീയപാത 212 വികസനത്തിന് 290 കോടി രൂപയുടെ പദ്ധതിക്ക് കേന്ദ്രസര്‍ക്കാര്‍ അനുമതി നല്കി.
ദേശീയപാതാ വികസനം സംബന്ധിച്ച് കണ്‍സള്‍ട്ടന്‍സിയായ വില്‍പര്‍ സ്മിത്ത് കമ്പനി സമര്‍പ്പിച്ച രൂപരേഖയ്ക്കാണ് ദേശീയപാതാ വികസന ഫണ്ടില്‍ ഉള്‍പ്പെടുത്തി കേന്ദ്രം അനുമതി നല്‍കിയത്. പദ്ധതിയുടെ രൂപരേഖ ജനപ്രതിനിധികള്‍ക്കും ഉദ്യോഗസ്ഥര്‍ക്കുമായി കണ്‍സള്‍ട്ടന്‍സി വിവരിച്ചു.
പദ്ധതി പ്രകാരം കോഴിക്കോട് മുതല്‍ മുത്തങ്ങ വരെ 112 കിലോമീറ്റര്‍ പാതയാണ് നവീകരിക്കുക. കല്പറ്റ, താമരശ്ശേരി, സുല്‍ത്താന്‍ബത്തേരി എന്നീ ടൗണുകളില്‍ ബൈപ്പാസുകള്‍ സ്ഥാപിക്കും. കല്പറ്റ ബൈപ്പാസിന്റെ നിര്‍മാണ പ്രവൃത്തി തുടങ്ങി. നിലവിലുള്ള 76 കിലോമീറ്റര്‍ പാത വീതികൂട്ടുമ്പോള്‍ 22 കിലോമീറ്റര്‍ പാത പുതുക്കി നിര്‍മിക്കും. മൂന്ന് ടൗണുകളിലെ ബൈപ്പാസുകള്‍ക്ക് മൊത്തം 12.5 കിലോമീറ്റര്‍ നീളമുണ്ടാവും. ചുരത്തിലെ ഒമ്പത് ഹെയര്‍പിന്‍ വളവുകളുടെ വീതി 15 മീറ്ററായി ഉയര്‍ത്തും. അടിവാരം മുതല്‍ ലക്കിടി വരെ ചുരം ഭാഗങ്ങളില്‍ റോഡിന് പത്ത് മീറ്റര്‍ വീതി ഉറപ്പുവരുത്തും. ചില ഭാഗങ്ങളില്‍ വനഭൂമി ഏറ്റെടുക്കേണ്ടിവരുമെന്ന് കണ്‍സള്‍ട്ടന്‍സി വക്താക്കള്‍ പറഞ്ഞു.
എം.കെ.രാഘവന്‍ എം.പി., എം.എല്.എ.മാരായ എ.കെ. ശശീന്ദ്രന്‍, പി.ടി.എ. റഹിം, ജോര്‍ജ് എം. തോമസ്, എ. പ്രദീപ്കുമാര്‍, ജില്ലാ കളക്ടര്‍ ഡോ. പി.ബി. സലീം, ദേശീയപാത സൂപ്രണ്ടിങ് എന്‍ജിനീയര്‍ കെ.പി. പ്രഭാകരന്‍, എക്‌സിക്യൂട്ടീവ് എന്‍ജിനീയര്‍ കെ. ഗോപാലകൃഷ്ണന്‍ എന്നിവര്‍ യോഗത്തില്‍ സംബന്ധിച്ചു.
ദേശീയപാതാ വികസനം സംബന്ധിച്ച് കണ്‍സള്‍ട്ടന്‍സിയായ വില്‍പര്‍ സ്മിത്ത് കമ്പനി സമര്‍പ്പിച്ച രൂപരേഖയ്ക്കാണ് ദേശീയപാതാ വികസന ഫണ്ടില്‍ ഉള്‍പ്പെടുത്തി കേന്ദ്രം അനുമതി നല്‍കിയത്. പദ്ധതിയുടെ രൂപരേഖ ജനപ്രതിനിധികള്‍ക്കും ഉദ്യോഗസ്ഥര്‍ക്കുമായി കണ്‍സള്‍ട്ടന്‍സി വിവരിച്ചു.
പദ്ധതി പ്രകാരം കോഴിക്കോട് മുതല്‍ മുത്തങ്ങ വരെ 112 കിലോമീറ്റര്‍ പാതയാണ് നവീകരിക്കുക. കല്പറ്റ, താമരശ്ശേരി, സുല്‍ത്താന്‍ബത്തേരി എന്നീ ടൗണുകളില്‍ ബൈപ്പാസുകള്‍ സ്ഥാപിക്കും. കല്പറ്റ ബൈപ്പാസിന്റെ നിര്‍മാണ പ്രവൃത്തി തുടങ്ങി. നിലവിലുള്ള 76 കിലോമീറ്റര്‍ പാത വീതികൂട്ടുമ്പോള്‍ 22 കിലോമീറ്റര്‍ പാത പുതുക്കി നിര്‍മിക്കും. മൂന്ന് ടൗണുകളിലെ ബൈപ്പാസുകള്‍ക്ക് മൊത്തം 12.5 കിലോമീറ്റര്‍ നീളമുണ്ടാവും. ചുരത്തിലെ ഒമ്പത് ഹെയര്‍പിന്‍ വളവുകളുടെ വീതി 15 മീറ്ററായി ഉയര്‍ത്തും. അടിവാരം മുതല്‍ ലക്കിടി വരെ ചുരം ഭാഗങ്ങളില്‍ റോഡിന് പത്ത് മീറ്റര്‍ വീതി ഉറപ്പുവരുത്തും. ചില ഭാഗങ്ങളില്‍ വനഭൂമി ഏറ്റെടുക്കേണ്ടിവരുമെന്ന് കണ്‍സള്‍ട്ടന്‍സി വക്താക്കള്‍ പറഞ്ഞു.
എം.കെ.രാഘവന്‍ എം.പി., എം.എല്.എ.മാരായ എ.കെ. ശശീന്ദ്രന്‍, പി.ടി.എ. റഹിം, ജോര്‍ജ് എം. തോമസ്, എ. പ്രദീപ്കുമാര്‍, ജില്ലാ കളക്ടര്‍ ഡോ. പി.ബി. സലീം, ദേശീയപാത സൂപ്രണ്ടിങ് എന്‍ജിനീയര്‍ കെ.പി. പ്രഭാകരന്‍, എക്‌സിക്യൂട്ടീവ് എന്‍ജിനീയര്‍ കെ. ഗോപാലകൃഷ്ണന്‍ എന്നിവര്‍ യോഗത്തില്‍ സംബന്ധിച്ചു.
-മാതൃഭുമി
